Ámame, español,
coa calor da meseta,
co cheiro do mirto,
coa humidade marbellí,
con eñe.
Ámame, español,
en rojo y gualda?
En roxo. E garda
o outro para outro
e deixa,
déixame acariñarte,
español, o rabo
da túa eñe.
Ámame, español,
sen cruzar as linguas.
Ámame sen castrapos,
ámame en francés.
E lámbeme o falo
ou lámbeme a fala
ou chúpame o que falo,
e non chuspas o falar.
Ámame, español,
con haches aspirados,
con jotas e sevillanas,
con paixón, con furia,
con forza,
con eñe.
Áñame!
No hay comentarios:
Publicar un comentario